تريد تعرف انت عراقي لو لا ؟؟؟؟

حينما تشعر ُ انك تستحقّ الحياة .. ولكن لاشئ في
الحياة يمنحكَ هذا الحق
فانتَ
عراقي
حينما تحسّ ان انسانيتك قـد سُـلبتْ منك .. وحياتـُك
وحياة ُ اطفالكَ لم تعد تهم احداَ سـواك .
فانت
عراقي
حينما تحسّ ُ بالمهانةِ لحظة تترك بيتك متوجّها الى اي
كوكب في العالم .. خال ٍ من الموتِ والدم والخراب

فانت عراقي

((*رسالة من بغداد إلى كل
العراقين*))

أحــس روحي غريـبـة هنا من يـوم إلتركتــوني

تانيـــت سنيــــن ودهـــر حتى ترجعــولي

ثاري العمر كله إنكضـه وإنتم هجــرتـوني

لميــت جــروح القـلب ونشفـــت دمــوعــــي

وبثـوب الحزن غنيــت يا لرحــتوا سمعـوني

بغــداد ذكروني إبوكت وكلمة
إكتبـوني

((*الوطن مفقود*))

مريت وكت العصر ،، متعني يم حمود

خدرلي جاي وبجه ،، وسولف سوالف سود

كال انته من ياسلف ،، كتله ابفرات الجود

دورته بالخارطة لن الوطن مفقود

ومريت للمدرسة اتامل الطلاب
شو شفت طالب بجه وحط بين
اديه كتاب
بيه خارطة للوطن وعيونه كله
عتاب
كتله ابني كافي البجي بالصف تره ممنوع

يابويه بعدك طفل وتبجي ب***
مفجوع
كال انه بالخارطه الكيت الوطن
مبيوع

((*ممنوع الفرح*))

متواعد ويه الفرح
والوعد صارله
سنين
لا مر علي بحلم
ولا شفته شوف
عين
ناشدت وين الفرح؟
كالولي
متأسفين
ممنوع هسه الفرح ،، عن كل
العراقيين

((*إعلان هام *))

فقد
وطن أخضر اللون يدعى وادي الرافدين
يرتدي مليون نخله وأهوار بحجم
معاناته
عمره آلاف السنين
يتجول في أزقته
الموت
كان ملاذاً للخائفين وأصبح خوفا
للآمنين
تزين أرصفته دماء الأطفال الأبرياء

الذاهبين إلى المدارس
ليتعلموا كيف تكتب كلمه
وطن
فعلى من يعثر عليه أن يصلي من اجله
ويضمد جراحه اللهم احفظه وأهله
الطيبين (امين)

((*دعوة الى العراقيين*))

ندعي سوه و احنه بهل الشدة ،، ربي كل باب حزن مفتوح رده

و كل تدفق دم يا ربي سده ،، و كافي ياموت سيفك كاعد اتحده

مو صبرنا بصبر ايوب و جده ،، و صبرنه سنين تره وصل حده

مد يا فرح شوي فراشك مده
.شو امكطع خيوطك وجم عكدة و
عكدة
آخ شكد جثث بعد تحملين يا سده

و شكد يا فرات شوكك لدجله
حزني جبير و ما واصل حزن كده

واذا في يوم الدمع نكر خده ،، واذا في يوم البحر نكر مده

و اذا في يوم الشتا نكر برده
و الصيف صار الثلج عنده ،،
ما انسى العراق و لا انسى شمته
يكلولي بس الموت هذا العراق
عنده
اموت بحضن العراق تره ماكو وطن بعده

لا والله ماكو وطن بعده
لا والله ماكو وطن
بعده

((*يا محلى بغداد*))

احلى شي اببغداد لمن يصير غروب
فوق الجسر تمشي انته
والمحبوب
ودجله تحضنك حضن وتحس العمر ما
فات
وشكد حلوه لمت هلك وياهم تتعشى
بالكريعات
ولو تجي وتفتر بعد وتدخل على
المنصور
طيبة وحنان وعشق واحلى طيور

والعيد عدنه حلو الله ياعيدي
يلله...خلي نقارن سوه !!

وايدك تضل بيدي .!.!
ايفل وبرجه..ومارينه مول
واهله
ومول الامارات وابن بطوطه

واهل لندن وكل تكساس
يرحون فدوه ونذر لشارع ابو
نؤاس
***************

عدد الرسائل : 2 العمر : 53 تاريخ التسجيل : 16/12/2008

[size=29][/size]
الله على الكلمات الرائعه الجميله اقبلو هاذه الابيات من عندي
عراقيه وتاخذني بسرعة الحمية
عراقيه والدم يغلي بية
يتفجر مثل الشظية ويطلع من عروك ايدية
عراقيه بطيبة *** شمالية
بعزة نفس بغدادية
بشهامة وغيرة طبع اجنوبية
عراقيه وابلادي بغلاوة امي وابوية
ولو مر اسمك ياعراقي ماادري شيصير بية
يابغداد..يالروح والرية..يابغداد ياخية
يا بنت الخير والعامرية..احسن بيج وتحسي بية
عراقيه اني وابد مامزور بل هوووويه
اقبولو مروري المتواضع

اتشرفت بمرورك اختي الكريمة

بسم الله الرحمن الرحيم

اللهم صلي على محمد وال محمد الطيبين الطاهرين
سلام الله على العراق الحبيب ورض سيد الحرار الامام الحسين
مشكور اخي الغالي مجنون الحسين

على الموضواع الرائع وجزاك الله الف الف خير
تحياتي عاشق الصدرين