نخيتك يبواليمه والنظر يدمع..

بسم الله الرحمن الرحيم
اللهم صل على محمد وال محمد

,
نخيتك يبواليمه والنظــــــــــــر يدمع
وصحت بصوت أطلبك يالولي تفزع
,
نخيتك والنــــــــــوايب دايره إعلينه
وصدعات الزمن دفنت ســـواجينه
الف وسفه وحسافــــــه الظيم والينه
گوم وشوف شيعتكـــــــــــم بيامصرع
,
شيعتكم غدر يومـــــــــــــــيا متفجرين
من أجل العداله والوفـــــــــــــه والدين
نضحي ومانهاب وبيكم مـــــــــــلزمين
نحبكم واليصير يصـــــــــير مانخضع
,
مانخضع ابد للمـــــــــــــوت متحزمين
كلنه إنروح فـــــــــدوه وبيك متمسكين
ياعترة محمــــــــــــــــــد ياعماد الدين
خل دمنه ويدمكـــــــــــم فيض يتوزع
,
يتوزع عليها وخـــــــــل تشيله الگاع
اذا تگدر تحمله ودمـــــــــنه دم اسباع
ما عدنه نذاله ولا شـــــــــرف ينباع
ونخوتنه بعلي الكرار مــــــــــا ترجع
,
ماترجع النخــــــــوه وبيه ابو الحسنين
نرج الكون وكت الشـــــــــده معروفين
بس اهل الغدر للغــــــــــــــدر متعلمين
نسل سفيان باقــــــــــــي وبالحقد يرتع
,
يرتع بالنذاله والظلــــــــــــــــم والجور
خلي الدنيا إلهم خـــــــل يشيدو اقصور
لابد يوم يطلع يشــــــــــــــع ذاك النور
ونشوف الحثالـــــــــه بياأرض يطلع
,
يطلع ياأرض وشحامـــــــل من أحقاد
من يوم السقيفه والجمـــــــــــل ينعاد
وتاريخ الانذال إليا جــــــــــــرم ينقاد
والله مـــــــــــــــــوبعيد تبين المطلع
,
مطلع نوركم يظهـــــــــر يبو السجاد
بالحق والعدال تحــــــــكم الأمــــجاد
مهدي الإمة يظهر ينصـــــــــف العباد
ينورها بظهوره إويافجــــــــر شعشع
,
نسالكم الدعاء