نحبك ياحسين وتجري بدمنا

نحبك ياحسين وتجري بدمنه
كضّينه العمر بالقهر والحسره
وما عفنه حبــــــك يا أبن درّه
و يا أخو العباس وابن الزهره
ويالجدك رسول الله نبينه
نحبك ياحسين وتجري بدمنه
******************
بطرانه الوهابية تريدنه نعوفك
وننســه شصار بواقعت طفّك
مايدرون نرتاح من نطوفــــك
خلي يكولون بحبك تخبلنه
نحبك ياحسين وتجري بدمنه
***************
خليهم يكرهونه وبينه يذبحون
اغتيالات وخطف وكاموا يفجرون
والله تراب رجلينه مايسوون
نحيى ونموت ابد منعوف حبنه
نحبك ياحسين وتجري بدمنه

كافي بعد ما نتحمل جروح
تعبنه من كثر الصبر والنوح
وكل ما نتذكر دمك المسفوح
نحزن وبيــك يجدد عهدنه
نحبك ياحسين وتجري بدمنه
********************
لجل حبك نتحمل كل الآلام
يا مظلوم صرت مثل للحكام
مظلوم واصبحت سيد الاعلام
اطلع يالمهدي وارفع علمنه
نحبك ياحسين وتجري بدمنه
*********************
يا شهيــــــد تتمناك كل الاديان
لأن حزوا منحرك وانت عطشان
وانتصر دمك على سيوف الطغيان
وبيوم الحشر نريدك تشفعلنه
نحبك ياحسين وتجري بدمنه
********************
دافــعت عن اهلك يا مظلوم
اسمك على لساني يظل دوم
يومك يا أمام ما مثله يـوم
جرت بيومك مصايب هزتنه
نحبك ياحسين وتجري بدمنه