احلامي في ضريح المرتضى عليه السلام

بسم الله الرحمن الرحيم
اللهم صل على محمد وآل محمد وعجل فرجهم
السلام عليكم ورحمة الله وبركاته
هذه قصيده من الشعر الشعبي وزن المجرشه
في امام الموحدين امير المؤمنين عليه السلام

أحـــــلامي في ضريـــــح المرتضـــى عليه السلام
ــــــــــــــــــــ ــــــــــــــــــــ ــــــــــــــــــــ ــــــــــــــــــــ ـــــــ
رضعتني حب المرتضه == أمي أو علي عنواني
لو ما أزوره أبكل وكت == تطفح تزيد أحزاني
من زغري أكصد حضرته == مولاي حب غذاني
وأكعد وشوفن كبته == وبحبه يحجي ألساني
وألثم ضريحه أو أرتوي == من نوره اليحواني
جم مره آني أتيقنت == جن جفه ذاك الحاني
وسط الضريح أو يحتوي == رحمه أو عطف رباني
واني أحاول ألمسه == وأنجح تموت أشجاني
والرحمه تنزل بالكلب == يعله أو يشب أيماني
ويثور بيه المعتقد == مولاي ما ينساني
يوم الحشر بيه الأمل == ينطيني صك نوراني
وبنوره أمشي أو ما أظل == مهموم يتلكاني
مولاي حيدرنه الولي == وبجاله يصعد شاني
من جفه أشرب وأرتوي == سكم العطش آذاني
ودخل جنان أو أعتلي == بالجنه أفرح آني
ــــــــــــــــــــ ــــــــــــــــــــ ــــــــــــــــــــ ـــــــــــــــ
مع تحيات شاعر أهل البيت / جابر النجفي

موفق لكل خير

اشكر مرورك المبارك اخي الفاضل